Абай облысында Омск–Майқапшағай бағытындағы бірнеше жол-көлік оқиғасы салдарынан төрт адам мерт болды деп хабарлайды ozgeris.info сайты облыс полиция департаментіне сілтемемен.
Полицияның мәліметінше, апаттарға жол ережелерін бұзу себеп болды:
-Қарсы жолға шығу және тығыз сызықпен бөлінген жерде бұрылыс жасау.
Облыстық полиция департаменті барлық жүргізушілерге жолда абай болуға шақырып, рульде жауапкершілік таныту керегін ескертті:
«Үйде сіздерді жақындарыңыз күтетінін ұмытпаңыздар».
Айта кетейік, кеше Павлодар–Қызылорда трассасында, Атамекен ауылы маңында жылқымен болған жол-көлік оқиғасында екі адам қаза тауып, бір адам жарақат алды.
