Қасым-Жомарт Тоқаев Таиланд королі Маха Вачиралонгкорнға арнайы жеделхат жолдап, оны туған күнімен құттықтады. Мемлекет басшысы бұл мерекенің тай халқы үшін орны бөлек екенін ерекше атап өтті. Атаулы күн Корольдіктің тұрақты дамуының белгісі саналады. Оған қоса ұлттық мұра мен рухани құндылықтардың айқын көрінісі болып табылады, деп хабарлайды ozgeris.info сайты.
Қазақстан қос мемлекет арасындағы қарым-қатынасты одан әрі тереңдетуге бейілді. Бұл бағыттағы ынтымақтастық шынайы достық пен өзара қолдауға толық негізделген.
Ел президенті патшаның аса жауапты қызметіне толағай табыс тіледі. Ал достас Таиланд жұртына құт-береке мен өсіп-өркендеуді ниет етті.
