Кәрім Мәсімовтің қызы Тамилламен 2015 жылы отау құрған Азамат Қапенов теміржол саласында тез көтеріліп, нарық ойыншылары арасында ықпалды тұлғаға айналған. Алайда бүгінде ол Қазақстанның құқық қорғау органдарынан жасырынып жүр деп хабарлайды ozgeris.info сайты kozachkow телеграм арнасына сілтеп.
-
Оны 2024 жылдан бері Сыбайлас жемқорлыққа қарсы іс-қимыл агенттігі (Антикор) «алаяқтық» бабы бойынша, ал Қаржылық мониторинг агенттігі (ҚМА) «лауазымдық өкілеттігін асыра пайдалану» ісі бойынша халықаралық іздеуге берген. Оған қоса, Ресейдің күштік құрылымдары да оған қызығушылық танытып отыр.
-
Даудың басы 2015 жылы ҚТЖ-ның еншілес мекемесіндегі махинациялардан басталған. Ол кезде жекелеген компанияларға заңсыз түрде 5 миллиард теңге көлемінде жеңілдіктер жасалған деп күдіктелген. 2016 жылы жабылған бұл іс 2025 жылдың күзінде Бас прокуратураның араласуымен қайта жанданды.
Қапенов өзін экстрадициялауды барынша қиындату үшін бірқатар «тыңшылық» қадамдарға барған:
-
Қазақстандық құжаттарының мерзімі аяқталған соң, ол Ресейдің, кейіннен Қырғызстанның азаматтығын алған. Ал 2024 жылы БАӘ (Біріккен Араб Әмірліктері) резиденті мәртебесіне қол жеткізген.
Оның елден кету уақыты да үлкен күдік тудырады — ол Қазақстаннан тура Қаңтар оқиғасы басталар алдында ұшып кеткен. Бұл оның алдағы дүрбелең мен мемлекеттік төңкеріс әрекеті туралы алдын ала білуі мүмкін деген болжамдарды растай түседі.
Былтыр жазда БАӘ-де Қазақстанның сұрауымен ұсталғанымен, ол Қырғызстанға өтіп үлгерген. Қазіргі уақытта ол Бішкекте жүр. Алайда қырғыз милициясы оны Қазақстанға берудің орнына, тек «бірінші шақыртумен келу» туралы міндеттеме алып, еркіндікте қалдырған. Оның үстіне, Қырғызстан ішкі істер органдары бұл істегі маңызды куәгер Павел Юнді Еуропада ұстап, оны да Қазақстанға беру процесіне кедергі келтіріп отыр деген күдік бар.
