Қазақстандық әнші Жұбаныш Жексенұлы Қытайдың Иу қаласында өткен көктем мерекесіне арналған мерекелік концерттік бағдарламаға қатысты, деп хабарлайды Ozgeris.info сайты.
Жұбаныш Жексенұлы өз өнерін танымал халықаралық орындаушылар Lionel Richie және Джеки Чанмен қатар көрсетті. Концерт елдегі басты мерекелік телешоу — Spring Festival Gala жобасының ресми алаңдарының бірінде өтті. 2026 жылы Иу қаласы алғаш рет гала-жобаның аймақтық сахналарының бірі болып таңдалды.
Мұндай алаңдар орталық студиямен тікелей байланысып, біртұтас трансляция аясында өңірлік мәдениет пен халықаралық қонақтардың өнерін көрсетеді.
Ұйымдастырушылардың мәліметінше, бағдарламаға түрлі елдерден келген әртістер қатысқан, ал Иу сахнасы халықаралық мәдени алмасу мен шығармашылық ынтымақтастыққа арналған арнайы бөлім ретінде ұсынылған. Жұбаныш Жексенұлы — Қазақстанның танымал әншісі әрі мәдениет саласының еңбек сіңірген қайраткері.
