Францияның ішкі істер министрі Лоран Нуньес елдегі жаппай тәртіпсіздіктерге байланысты қызметінен кету туралы өтініш берді. Алайда президент Эмманюэль Макрон оның отставкасын қабылдамады. Бұл туралы Елисей сарайы хабарлады, деп жазады Ozgeris.info.
France Info жазғандай, Елисей сарайының мәліметінше, Макрон мұндай шешімді қазіргі жағдайда қоғамдық тәртіп пен заңның сақталуына жауапты күштерді тұрақты басқару қажеттілігімен түсіндірген.
Президент Нуньеске «жаңа әрекет ету тәсілдерін мүмкіндігінше тезірек жергілікті жерлерде енгізуді» тапсырды. Сондай-ақ зорлық-зомбылыққа әкелген жағдайды алдын ала болжау мен ақпарат алмасудағы кемшіліктерге қатысты ашықтықты қамтамасыз ету үшін барлық қажетті шараны қабылдауды міндеттеді.
