Land Cruiser 300, екі бөлмелі пәтер: Демеу Жадыраев сыйдың астында қалды

Париж Олимпиадасында грек-рим күресінінен күміс жүлде иеленген Демеу Жадыраевқа халық ыстық ықлылас танытып, сый жасауда, деп хабарлайды Ozgeris.Info. Демеу Жадыраевқа екі күннен бері көрсетіліп жатқан қошемет ерекше бағалануда. Кеше елге оралған спортшыға Алматы мен Жетісу облыстары жарысып сыйлық жасауда. Алматы облысы Талғар қаласынан екі бөлмелі пәтердің кілтін табыстады. Жетісу облысының әкімі Бейбіт Исабаев спортшыға «Жетісу облысының Құрметті азаматы» төсбелгісін тақты. Ал туған жері Панфилов ауданында спортшыға Toyota Land 300 және 50 000 доллар берілді. Одан бөлек, алдына 1 үйір жылқы салып берді. Сондай-ақ кеше облыс әкімі Күлипа Бижановаға Қазақстанның мақтанышына айналған батыр ұлды тәрбиелеп өсіргені үшін алғыс айтып, тұрғын үй кілтін салтанатты түрде тапсырған болатын. Жаңа үй заманауи жиһаздармен, тұрмыстық техникамен толық жабдықталған. Бұл өз кезегінде Күлипа Бижанованың қолайлы жағдайда өмір сүруіне үлкен септігін тигізеді. Демеу Жадыраев бұл үйдің анасына жылы ұя, жайлы мекен, ал өзі үшін қуана-қуана келетін сүйікті шаңырағы болатынын атап өтті. Спортшының алғашқы бапкері Жұмахан Тұрғамбеков және жеке бапкері Боранбек Қоңыратовқа Haval көлігін мінгізді.