41 жастағы «Аль-Наср» шабуылшысы Криштиану Роналду Сауд Арабиясы чемпионатының жаңа маусымындағы алғашқы ойынында гол соғып, кәсіби мансабында қатарынан 25 маусым бойы гол соққан алғашқы футболшы атанды, деп хабарлайды Ozgeris.info сайты Sports.kz-ке сілтеп.
Португалиялық футболшы Сауд Арабиясы чемпионатының екінші турында «Аль-Рияд» қақпасына гол соқты.
Кездесу «Аль-Насрдың» 4:0 есебімен жеңісімен аяқталды.
Бұл Роналдудың кәсіби мансабындағы 25-маусым қатарынан соққан алғашқы голы болды.
Роналду ересектер футболындағы мансабын 2002 жылы «Спортинг» сапында бастаған.
Содан бері ол кәсіби мансабының әр маусымында кемінде бір голдан соғып келеді.
Португалиялық шабуылшы мансабында «Манчестер Юнайтед», «Реал Мадрид» және «Ювентус» клубтарында да ойнады.
2023 жылдан бері ол Сауд Арабиясының «Аль-Наср» командасында өнер көрсетіп келеді.
Осы голдан кейін Роналдудың мансабындағы жалпы гол саны 977-ге жетті. Ол 1000 гол межесіне жетуге 23 гол қалды.
Бұған дейін португалиялық футболшы қазіргі маусым кәсіби мансабындағы соңғы маусым болуы мүмкін екенін мәлімдеген еді.
