Қазақстанда биыл киік еті ресми түрде сатылымға шықты, деп жазады Ozgeris.info.
Елдің сегіз өңірінде 40 мыңнан астам киік сойылып, олардың еті саудаға түсті. Қазір бір килограмының бағасы 1200-1600 теңге аралығында белгіленген. Алайда сұраныс әлі де төмен деңгейде қалып отыр, әсіресе Астана мен Алматыда.
Мысалы, Астанада бар-жоғы 2700-ге жуық, ал Алматыда 400-ге жетпейтін ғана туша сатылған. Бағасы сиыр еті мен қой етіне бәсекелес бола алса да, көптеген сатып алушылар назар аудармай өтіп кетеді.
