Ресей әскері қойма нысандарына соққы жасағаннан кейін ірі өрт шықты, деп хабарлайды Ozgeris.info.
Әлеуметтік желі қолданушыларының жазуынша, Киевтің Соломен ауданында шабуылдан кейін қуатты жарылыс болып, артынан қайталама детонация дыбысы естілген. Аспанға ұшқындар көтеріліп, саңырауқұлақ тәрізді бұлт бірнеше шақырым жерден көрінген.
Алдын ала мәлімет бойынша, соққы Украина Қарулы күштерінің оқ-дәрі қоймасына жасалуы мүмкін. Сондай-ақ Шевченко ауданында мобильді байланыс операторы әрі интернет-провайдер Vodafone компаниясының кеңсесі орналасқан нысан зақымданған. Шабуыл жасалған ғимаратта ірі дата-орталық болған.
Одессада да қойма нысандарына соққы жасалып, оқиға орнында күшті өрт шыққаны хабарланды.
