Қоғам

Кездескісі келмеді: 20 жыл бойы тұнғышын іздеген ана ұлын тапты

Кездескісі келмеді: 20 жыл бойы тұнғышын іздеген ана ұлын тапты

17.02.2025

432

Бөлісу
20 жыл бойы тұнғышын іздеген Ақшагүл Көшекбаева  ұлын тапты. Алайда ұлы анасымен кездесуден бас тартты, — деп хабарлайды Ozgeris.info тілшісі. Бұл туралы «Дау-дамайсыз» бағдарламасында айтылды. Ақшагүл Көшекбаеваның айтуынша, ата-енесі ұлын қайын ағасына беріп жіберген. Қазір кейуананың жасы 70-те, ал ұлы Нұрлан 50-ге жеткен. Бұған дейін темір торға тоғытылғаннан кейін отбасымен мүлде араласпай қойған. Ақшагүл Көшекбаеваның кенже қызы үлкен ағасын мүлде көрмеген. Нұрлан түрмеден шыққан соң хабар-ошарсыз кеткен, ал отбасы оны бір блогердің парақшасынан үйсіз жүргенін көрген. Кейін Ақшагүл Көшекбаеваның тұңғышы Алматы облысындағы «Өмірлік қиын жағдайда қалған адамдарға арналған әлеуметтік бейімдеу орталығынан» табылды. Бір қызығы, Нұрлан ата-анасы қайтыс болды деп ойлаған.
«Ата-анам қайтыс болды деген хабарды естігенде өзімді қатты кінәладым. Көңілім қатты босап кетті», - деді Нұрлан.
Алайда Нұрлан анасымен кездесуден бас тартты.
Барлық жаңалық