«Жыныс мүшесін кесіп алған»: күдікті полицияға өз еркімен берілді

2025 жылғы 14 мамырда Әзербайжанның Хачмаз ауданындағы Фарзалиоба ауылында болған жанжал кезінде 42 жастағы ер адам ауыр дене жарақатын алды. Жергілікті ауруханаға жыныс мүшесі толық кесілген күйде жеткізілген ер адамның жағдайы ауыр деп бағалануда, деп хабарлады turkystan.kz. Қанды оқиға бұрынғы жанжалдың салдарынан болған. Күдікті – 1994 жылы туған Сабухи Махмудов. Тергеу барысында оның бір жыл бұрын жәбірленушімен жанжалдасып қалғаны анықталды. Сол кезде Махмудовты соққыға жығып, отбасын қорлаған ер адамнан ол кейін өш алуды көздеген. 14 мамыр күні Махмудов ішімдік ішіп, есесі кеткен ер адамның үйіне барған. Оны сыртқа шақырып, артынша пышақпен шабуыл жасаған. Жәбірленушіні мойнынан жарақаттап, жерге құлатқан соң, оның жыныс мүшесін кесіп тастаған. Қылмыстан кейін Махмудов қашып кеткенімен, кейін өз еркімен полицияға берілді. Қазіргі уақытта оқиға бойынша қылмыстық іс қозғалып, тергеу амалдары жүргізіліп жатыр.