Жезқазған байыту фабрикасының ұжымы 2026 жылғы 15 наурызда өтетін республикалық референдумға шығарылатын Қазақстанның жаңартылған Конституция жобасын қолдайтынын мәлімдеді деп хабарлайды ozgeris.info сайты.
«Қазақмыс корпорациясы» ЖШС құрамындағы Жезқазған байыту фабрикасы өндірістік тізбектегі маңызды кәсіпорындардың бірі саналады. Мұнда әр ауысым сайын мыңдаған тонна кен өңделіп, сапалы мыс концентраты өндіріледі. Фабрика жұмысы жоғары кәсіби дайындықты, технологиялық талаптарды қатаң сақтауды және өндірістік тәртіпті қажет етеді.
Мамандардың айтуынша, кәсіпорындағы тұрақты жұмыс айқын ережелер мен жеке жауапкершілікке негізделген. Әрбір қызметкер өз міндетін нақты біледі және өндірістік үдерістердің дұрыс ұйымдастырылуы кәсіпорынның тиімді жұмысына әсер етеді.
Фабрика қызметкерлері мұндай қағидаттар мемлекет үшін де маңызды екенін атап өтті. Олардың пікірінше, баршаға ортақ әрі түсінікті ережелер қоғамдағы тұрақтылықтың негізін қалайды. Ал жауапкершілік жүйесі елдің тұрақты дамуына мүмкіндік береді.
«Біз күн сайын тәртіп пен ереженің ортақ нәтижеге қалай әсер ететінін көріп отырмыз. Ереже бәріне бірдей болғанда ғана сенім қалыптасады», – дейді фабрика ұжымы.
Олардың айтуынша, жаңартылған Конституция жобасын қолдау – тұрақтылық пен дамуға бағытталған саналы таңдау.
https://www.instagram.com/reel/DVaLylxiPrM/?igsh=MWdhZTZqdG8wZGhrMw%3D%3D
