Марқұм Арман Дүйсеновтің ұлы Абылай Арманұлының сүйіктісі Аруна Асхатқызы бір жыл бұрын жазған хатын желіде жариялап, көпшілікті толқытты деп хабарлайды Оzgeris.info.Жүрекжарды жазбада ол сүйген жарын жоғалтқан кездегі ауыр күйі мен сағынышын жеткізеді.
Аруна өзінің хатында Абылайдың өміріндегі орнының ерекше болғанын айта келе, оның қазасына әлі күнге дейін сенбейтінін жазған.
«Сені жоғалту – өте ауыр. Сен мен үшін жай ғана жақын адам емес, жанымның бір бөлігі едің. Жүрегім сыздайды. Әлі күнге дейін қасымда жоқ екеніңе сенбеймін», – дейді ол.
Сондай-ақ Аруна олардың бірге түскен суреттері бүгінде ең қымбат естелікке айналғанын айтып, Абылайдың күлкісі мен жылы сөздері әлі күнге жанына медеу болатынын жеткізді.
«Сен өміріме қуаныш пен жарық сыйладың. Мен сені әрдайым есімде сақтаймын. Жүрегімде өшпес із қалдырдың», – деп жазды ол.
Хат соңында Аруна сүйіктісіне мәңгілік тыныштық тілеп, оның өміріндегі орны ешқашан өшпейтінін атап өтті.
