Қостанай облысындағы «ішімдіксіз ауылдарда» бәрібір ішімдік ішеді деп хабарлайды ozgeris.info сайты.
Қостанай облысының полиция департаменті басшысы Ерлан Файзуллин алкогольді тыйған деп жарияланған ауылдарда полиция қызметкерлері ішімдікке байланысты оқиғаларды тіркегенін хабарлады.
«Қарасу ауданы Белозеровка ауылында мас күйінде жүргізуші апат жасаған. Сол ауылда мас тұрғын тұрмыстық жарақат алған. Б. Майлин ауданындағы Баталы ауылында да мас күйінде жарақат алған азамат тіркелді. Ал Абай ауылы, Узынкөл ауданында тұрмыстық зорлық-зомбылықтың себебі – алкоголь», – деді Е. Файзуллин.
Қазір Қостанай облысында 20 ауыл «ішімдіксіз өмір сүреміз» деп жариялаған. Бұл шешімдер туралы БАҚ-та белсенді хабарланады. Алайда, бұл ауылдардың көбі аз халықты және әлеуметтік инфрақұрылымы, соның ішінде дүкендер жоқ аймақтар болып келеді. Сол жерде адамдар «жасырып ішеді» деген күдік бар.
Сондықтан полицияның пікірінше, тек декларация жасау жеткіліксіз, ауылда ішімдікпен күрес үшін жүйелі алдын алу жұмыстары қажет.
