Иранның Жоғарғы Ұлттық қауіпсіздік кеңесінің хатшысы Әли Лариджани Х желісіндегі парақшасында Тегеран Вашингтонмен келіссөз жүргізбейтінін мәлімдеді, деп жазады Ozgeris.info сайты.
"Біз АҚШ-пен ешқандай келіссөз жүргізбейміз", - деді ол.
Оный сөзінше, АҚШ басшысы "бос үміт" беріп, Таяу Шығысты хаосқа айналдырды, енді әрі қарай "америкалық әскерде адам шығыны көбейе ме" деп қорқады.
"Трамп "жалған үміт" беріп, аймақты хаосқа айналдырды, енді "америкалық әскер одан әрі шығынға батады" деп қорқады. Ол қисынсыз әрекеттері арқылы "Ең алдымен Америка" ұранын "Ең алдымен Израиль" деп өзгертті және Израильдің билікке ұмтылысына бола америкалық сарбаздарды құрбан етті", - деп жазды Лариджани.
Оның айтуынша, Трамп өзінің "жалған мәлімдемелерімен" америкалық әскери қызметкерлер мен олардың отбасына зиян келтіріп отыр.
"Бүгінде Иран халқы өзін қорғап жатыр. Иран қарулы күштері басып кірген жоқ", - деді Лариджани.
Ал бірнеше сағат бұрын Трамп Иранның жаңа басшылығы АҚШ-қа келіссөздерді қайта бастауды ұсынғанын мәлімдеді.
"Олар келіскісі келеді, мен келістім, сондықтан олармен сөйлесемін. Ертерек солай жасауы керек еді. Оларға мұны ертерек ұсынуы керек еді, сонда жеңіл әрі ыңғайлы болар еді. Олар тым ұзақ күтті", - деді ол.
Трамп келіссөздердің қашан болатынын айтқан жоқ, бірақ Вашингтон соңғы апталарда байланыста болған кейбір ирандық келіссөз жүргізушілер шабуыл кезінде қаза тапқанын айтты.
