Еліміздің саяси өмірінде үлкен тарихи оқиға болды. Жақында өткен съезде "AMANAT" партиясы "ӘДІЛЕТ" саяси ұйымына қосылу туралы стратегиялық шешім қабылдады. Мемлекет басшысы бұл маңызды қадамды толықтай қолдайды. Осы ретте ол "AMANAT" фракциясы мен оның барлық мүшелеріне арнайы алғыс жолдады. Олардың белсенді, байсалды және жасампаз ұстанымдары шынайы отаншылдық пен азаматтық жауапкершіліктің озық үлгісін көрсетті, деп хабарлайды ozgeris.info сайты.
Бүгінде қоғамдағы барлық озық күштер ортақ мақсаттар төңірегінде топтасып жатыр. Жалпыұлттық құндылықтар негізіндегі мұндай бірігу мемлекеттегі түбегейлі реформаларға тың серпін береді. Барша халықтың түпкі мұраты біреу. Ол жас ұрпақтың жарқын болашағына жол ашатын өркениетті әрі озық мемлекет құру.
Біздің Қазақстаннан басқа Отанымыз жоқ. Еліміздің ойдағыдай дамуы тек өзімізге ғана керек. Тұтас ұлт болып ұйысып, жұрт болып жұмылған жағдайда кез келген белесті бағындыруға болады. Көздеген мақсаттың барлығы осы татулықтың арқасында орындалады.
Қастерлі Тәуелсіздіктің тұғырын нығайту арқылы Әділетті, Қуатты, Қауіпсіз, Таза әрі Озық Қазақстан құрылады. Президент бұл іске кәміл сенеді. Осы жолда аянбай еңбек ету әрбір азаматтың қасиетті перзенттік парызы. Ел аман, жұрт тыныш, ал қоғамдағы бірлік бекем болуы тиіс. Қазақ елі мәңгі жасайды.
