Бибісара Асаубаева өзбек гроссмейстерімен көзге түсті (ВИДЕО)

Өзбекстан әлеуметтік желілерінде өзбекстандық гроссмейстер Жавохир Синдоров пен қазақстандық шахматшы Бибісара Асаубаеваның фотолары қызу талқыланып жатыр, деп хабарлайды Ozgeris.info сайты. 

Желіде тараған суреттерде қос шахматшының бірге уақыт өткізіп жүргені байқалады. Кейбір кадрларда олардың жақын қарым-қатынаста екені де аңғарылады.

Бұл фотолар жарияланғаннан кейін әлеуметтік желі қолданушылары түрлі пікір білдіріп, көпшілік оларға бақыт тілеп, «той қашан?» деген сұрақтар қоя бастаған. Ал кейбір қазақстандықтар әзіл аралас «қызымызды өзбектер алып жатыр» деп жазып жатыр.

Әзірге Бибісара Асаубаева мен Жавохир Синдоров бұл қауесетке қатысты ресми пікір білдірген жоқ. Дегенмен, желі қолданушылары қос гроссмейстердің қарым-қатынасына қызығушылық танытып отыр.