Калифорнияда белгісіз ер адам банкет залында ұйымдастырылған отбасылық мерекеде оқ жаудырып, салдарынан төрт адам қаза тауып, кемінде 10 адам жараланды, деп хабарлайды Оzgeris.info сайты Tengrinews.kz сайтына сілтеме жасап.
Оқиға сенбі күні кешкі уақытта Стоктон қаласындағы бір банкет залында орын алды. Жәбірленушілер арасында ересектер де, балалар да бар. Қазір күдікті әлі ұсталған жоқ.
Шерифтің кеңсесінің баспасөз хатшысы Хизер Бренттің айтуынша, алдын ала тергеу көрсеткендей, бұл оқиға әдейі жасалған шабуыл болып табылады. Сонымен қатар, тергеушілер басқа нұсқаларды да қарастыруда.Куәгерлердің айтуынша, оқ атқан адам шамамен 170 сантиметр бойлы, қара шалбар киген.
Стоктон қаласының вице-мэрі Джейсон Лидің хабарлауынша, оқиға бала туған күніне арналған мерекеде болған.
