Әлем

Белгісіз біреу мешіт маңында бас мүфтиді пышақтап кеткен

Белгісіз біреу мешіт маңында бас мүфтиді пышақтап кеткен

12.09.2024

30

Бөлісу
Тәжікстан Республикасы ІІМ хабарлағандай, оқыс оқиға намаз аяқталғаннан кейін Душанбедегі орталық мешіттің жанында сағат 17:20 шамасында болған, деп жазады Ozgeris.info.
"Кешкі намаз аяқталғаннан кейін Душанбе қаласының орталық мешітінде бір азамат Тәжікстан Республикасы Үлемінің төрағасы Саидмукаррам Абдулкодирзоданың денесіне сұғу-кесу затымен (пышақпен) соққы берді", делінген хабарламада.
Шабуыл салдарынан дінбасыға жеңіл дене жарақаты келтірілген. Дәрігерлер оған оқиға орнында қажетті көмек көрсетті, содан кейін ол үйіне жеткізілді. Қылмыскерді ішкі істер органдарының қызметкерлері ізін суытпай, бірден ұстады. Шабуыл фактісі бойынша қылмыстық іс қозғалды, алдын ала тергеу амалдары қолға алынды.
Барлық жаңалық