Астанада жерасты автотұрағында көлік жүргізушісі паркинг қызметкерін қағып, ауруханада көз жұмды, деп хабарлайды Ozgeris.info.
Оқиға 2 қазанда Бөкейхан көшесіндегі жерасты автотұрағында болған. Полицияның мәліметінше, «ROX» маркалы көліктің жүргізушісі тұраққа кіріп, солға бұрылған кезде аумақта жұмыс істеп жүрген жаяу жүргіншіні байқамай қалған.
Жол-көлік оқиғасы салдарынан ер адам медициналық мекемеге шұғыл жеткізілген. Алайда алған жарақаттары ауыр болып, кейін ауруханада қайтыс болған. Қазір оқиғаға қатысты тергеу жүргізіліп жатыр.
