Польшадағы “Легияға” қарсы өткен матчта жеңілгеннен кейін “Ақтөбе” Еуропа лигасынан шығып қалды. Алайда команда үшін еуромаусым мұнымен аяқталған жоқ – енді олар УЕФА Конференциялар лигасының екінші іріктеу кезеңінде өнер көрсетеді деп хабарлайды ozgeris.info сайты penalty.kz сайтына сілтеме жасап.
“Ақтөбенің” жаңа қарсыласы – Чехия чемпионатының көшбасшыларының бірі, Еурокубоктарда тәжірибесі мол прагалық “Спарта” клубы.
Ойын күнтізбесі:
- Бірінші матч – 24 шілде, Ақтөбе.
- Қайтар ойын – 31 шілде, Прага.
“Спарта” – Еуропа аренасында тұрақты өнер көрсетіп жүрген клубтардың бірі. Бұл жұпта фаворит айқын болса да, “Ақтөбе” өз алаңында жанкүйерлерінің қолдауына сүйеніп, сенсация жасауға тырысады.
