21 қараша күні түске таман «Қостанай–Әулиекөл–Сұрған» автожолының 239-шақырымында ірі габаритті көлік қатысқан жол-көлік оқиғасы болды, деп хабарлайды Оzgeris.info сайты Newtimes.kz сайтына сілтемемен.
Ақмола облыстық ПД таратқан мәліметке сәйкес, 46 жастағы «Ситрак» маркалы автовоз жүргізушісі Қостанай бағытына қарай қозғалып келе жатқан. Алдын озу маневрі кезінде ол көлікті басқара алмай, ауыр жүк тиеген фура жол жиегіне шығып кетіп, кюветке аударылған.
«Автовоздың үстінде сегіз жаңа қытайлық жеңіл автокөлік болған. Абырой болғанда, ешкім зардап шеккен жоқ. Белгілі болғандай, жүргізуші Алматыдан Қостанайға жаңа көліктерді жеткізіп бара жатқан. Оқиға орнында полиция қызметкерлері жұмыс істеп жатыр. Жүргізушіге міндетті түрде мас күйінде көлік басқару фактісіне қатысты тексеру жүргізілуде.», – делінген ақпаратта.
Сонымен қатар, құқық қорғаушылар жүргізушілерге, әсіресе көлемді жүк көліктерін басқаратындарға, жол қозғалысы ережелерін қатаң сақтаудың маңызын еске салды. Олардың айтуынша, маневр жасау кезінде, соның ішінде алдын озу сәтінде, жол жағдайы мен ауа райын мұқият бағалау аса маңызды.
