АҚШ Қазақстанға қарсы баж салығын көбейтті

АҚШ әкімшілігі импорттық өнімдеріне өзара кедендік баж салығын енгізетін 185 мемлекеттің тізімі бар кестені Трамп Truth Social әлеуметтік желісіндегі парақшасында жариялады. Базалық тариф 10 пайызды құрайды, алайда көптеген мемлекеттер үшін ол жоғары болып шықты. Мәселен, Қытайдан тауарларға баж салығы 34 пайызды, ЕО елдерінен — 20 пайызды, Швейцариядан — 31 пайызды, Ұлыбританиядан — 10 пайызды, Израильден — 17 пайызды, Қазақстаннан — 27 пайызды құрайды. Ең жоғары алымдардың бірі Вьетнамға (46 пайыз), Камбоджаға (49 пайыз), Лаосқа (48 пайыз) салынған ,деп хабарлайды Ozgeris info тілшісі Bizmedia порталына сілтеме жасай отырып.

“АҚШ президенті Дональд Трамп атқарушы жарлықпен әлемнің көптеген елдерінен импортқа қосымша тарифтер енгізді. Бұл үлкен қуатты әртараптандырылған экономика мен құбылмалы ресурстарға тәуелді әлсіз экономика арасындағы айырмашылық. Мықты экономика бюджеттің тұрақтылығын қамтамасыз етуге, басқа адамдарға қосымша ауыртпалық түсіруге тырысады. Әлсіз экономика бұл ауыртпалықты өздеріне жүктеуге мәжбүр.” - сарапшы Газиз Абишев

Ақ үйдің ресми мәліметіне сәйкес, АҚШ Қазақстаннан әкелінетін тауарларға 27% көлемінде баж салығын енгізді. Сонымен қатар, құжатта Қазақстанның АҚШ-қа қатысты тікелей және жанама баждары («валюталық манипуляция мен сауда кедергілері» қоса алғанда) 54%-ды құрайтыны көрсетілген. Сарапшылардың пікірінше, бұл шешім қазақстандық металл, ауыл шаруашылығы өнімдері және АҚШ нарығына бағытталған басқа да тауарлар экспортына кері әсер етуі мүмкін. Бұл өзгеріс Қазақстаннан АҚШ-қа жеткізушілердің 27%-дық қосымша тарифке тап болу қаупін тудырады. 2024 жылдың қорытындысы бойынша, Қазақстан АҚШ-қа соңғы он жылдағы ең жоғары көлемде – $1,97 млрд тауар экспорттаған. Негізгі экспорттық өнімдер: Мұнай, Уран (экспорт 2023 жылмен салыстырғанда 5 есе артқан), Ферроқорытпа, Күміс. Қазақстандық экспорт құрылымында АҚШ-тың үлесі 2,4% құрайды.