Ақмола облысының Бестөбе кентіндегі шахталардың бірінің аумағынан екі ер адамның денесі табылды, деп хабарлайды Ozgeris.info.
Облыстық полиция департаментінің мәліметінше, аталған факті бойынша сотқа дейінгі тергеп-тексеру басталған. Алдын ала болжам бойынша, марқұмдар шахта аумағына заңсыз кірген.
Қазіргі уақытта оқиғаның барлық мән-жайын анықтауға бағытталған қажетті тергеу амалдары жүргізіліп жатыр.
Полицияның дерегінше, жыл басынан бері Степногор қаласында күзетілетін нысандарға заңсыз кіргені үшін ҚР Әкімшілік құқық бұзушылық туралы кодексінің 506-бабы бойынша 322 адам әкімшілік жауапкершілікке тартылған. Сонымен қатар жыл басынан бері жергілікті шахталарда тоғыз адам көз жұмған.
