Әнші Ақбота Керімбекова өткен өміріне өкініші жоқ екенін айтты. Өнер иесі әрдайым шүкіршілік ететінін жеткізіп, анасы да өнерден қол үзбеуге кеңес бергенін айтты, деп жазады ozgeris.info.
"Өткен өмірімде ешқандай өкініш жоқ. Әрдайым шүкіршілік етемін. Анам да өнеріңді тастама деп үнемі айтып отыратын. Бибігүл апамыздың сұхбатын көріп, тағдырымыз ұқсас екенін байқадым", – деді әнші "Өмір өрнегі" бағдарламасында.
Ақбота Керімбекованың сөзінше, өмірде кездескен қиындықтардың бәрі оны шыңдап, бүгінгі дәрежесіне жеткізген.
