Бұған дейін Алматы тұрғындарының мазасын алған атышулы жасөспірімдер тобы енді елордаға келді. Оларды Астана көшелері мен қоғамдық көліктерде көрген куәгерлер әлеуметтік желілерде түрлі ақпарат таратып жатыр, деп хабарлайды ozgeris.info сайты.
Бұл жағдай интернет қолданушыларының қатаң сынына ұшырады. Жұртшылықтың наразы болуына нақты себеп бар. Өйткені бұған дейін билік өкілдері тәртіп бұзған жасөспірімдерді ел аумағынан шығаруға уәде берген еді. Алайда олар жазадан сытылып кетіп, жай ғана басқа қалаға қоныс аударған болып шықты.
Қарапайым азаматтар мұндай оқиға полицияның қызметіне деген сенімді азайтып, беделіне үлкен нұқсан келтіреді деп санайды. Қазіргі уақытта құқық қорғау органдары бұл жағдайға қатысты ешқандай ресми түсініктеме берген жоқ.
