Алматыда әйелдің сөмкесінен тапанша мен бес патрон табылды, деп хабарлайды Ozgeris.info.
Оқиға Жетісу ауданында болған. Полиция қызметкерлері әйелді кешкі сағат 17:00 шамасында Райымбек даңғылының бойында ұстаған. Операцияны есірткі қылмысына қарсы күрес бөлімшесінің мамандары жүргізген.
Тексеру кезінде әйелдің сөмкесінен калибрі 9 миллиметрлік тапанша мен бес патрон анықталған. Қару мен оқ-дәрілер тәркіленді.
Ұсталған әйелдің айтуынша, ол тапаншаны оқиғаға дейін бір-екі сағат бұрын Есентай өзеніне түсетін жердегі бетон қоршаудың үстінен тапқан.
Қазіргі уақытта полиция оның сөзін тексеріп, мән-жайды анықтап жатыр.
