Желіде тараған ақпаратқа сәйкес, 38 жастағы әйелді көлік қағып кеткен, деп хабарлайды ozgeris.info сайты.
Кей дереккөздерінде көлік тізгінінде марқұмның күйеуі — полиция қызметкері болғаны айтылуда.
Аталған оқиғаға қатысты Алматы облыстық полиция департаменті ресми түсініктеме берді.
Полиция мәліметінше, әйелді қағып кетті деген күдікпен 37 жастағы ер адам ұсталып, уақытша ұстау изоляторына қамалған.
— Оқиға салдарынан әйел алған ауыр жарақаттарынан сол жерде көз жұмды. Аталған факті бойынша қылмыстық іс тіркелді. Қазір оқиғаның барлық мән-жайын жан-жақты, толық әрі объективті анықтауға бағытталған тергеу амалдары жүргізіліп жатыр, — деп хабарлады ведомствоның баспасөз қызметі.
Сондай-ақ іс облыстық полиция департаменті басшылығының ерекше бақылауына алынғаны атап өтілді.
Полиция өкілдері ҚР Қылмыстық-процестік кодексінің 201-бабына сәйкес өзге ақпарат жарияланбайтынын мәлімдеді.
