Танымал әнші Жазира Байырбекованың ұлы Қазыбек қалыңдығы Асылымен қалай танысқанын айтты, деп хабарлайды Ozgeris.info сайты.
"Асылы шетелде оқиды. Танысу үшін шетелге бару керек болды. Сол жақтан танысып, сөйлесіп кеттік. Оқуды осы Қазақстанда жалғастыратын болды. Отбасымызбен бірге тұрамыз, ешқандай бөлек шығу, шетелге кету деген ойда жоқ", - деді ол.
Сондай-ақ қалыңдығы Қазыбектің қандай қасиеті ұнайтынын да айтты.
"Сабырлы, өте қамқор. Сол қасиеттері ұнайды", - деді ол.
Ал Қазыбек өз кезегінде болашақ әйелінің әзілқойлығын қатты ұнататынын айтты.
