Азия, Таяу Шығыс және Еуропа елдеріне жаңа халықаралық рейстер ашылып, қайта іске қосылады деп хабарлайды ozgeris.info сайты.
SCAT әуе компаниясы Шымкенттен Бішкек, Новосибирск, Санкт-Петербург және Тель-Авив бағыттарын іске қоспақ.
Air Astana Шанхай мен Гуанчжоуға рейстер ашады, Ларнакаға маусымдық бағыттарды, Даламан мен Салалаға ұшуларды бастайды, сондай-ақ Токио бағытын іске қосуды қарастыруда.
FlyArystan Самарқанд, Сиань және Үрімші бағыттарына рейстер орындай бастайды, ал жоспарында — Эр-Рияд бар.
Шетелдік әуе тасымалдаушылар арасында LOT Polish Airlines (Алматы–Варшава), Air Arabia Dammam (Алматы–Даммам) және Royal Jordanian (Алматы–Амман) жаңа бағыттар ашуға дайындалуда.
Маршруттық желінің кеңеюі іскерлік және туристік байланыстарды нығайтып, Қазақстанның өңірлік авиациялық хаб ретіндегі позициясын күшейтеді.
