Абай облысына Берік Уәли келе жатыр

Соңғы күндері желіде тараған қауесет тегін емес сынды. Билік дәлізіндегі күбір-сыбырды қалт жібермейтін арналардың ақпараты бойынша, Берік Уәли Абай облысының әкімі болып тағайындалады, деп жазды Әшкере телеграм арнасы. Оның кандидатурасы шешілген мәселе. Ресми тағайындау дүйсенбі, 17 ақпанда болады деп күтілуде. Еске сала кетейік, Берік Уәли екі рет Тоқаевтың баспасөз хатшысы болған, екі тағайындау арасында "Хабар" агенттігін басқарған. Бұған дейін Мемлекет басшысының Жарлығымен Нұрлан Ұранхаев Абай облысының әкімі лауазымынан босатылған еді.