Спорт

10 жылдан кейін қазақстандық спортшы Денис Теннің жетістігін қайталады

10 жылдан кейін қазақстандық спортшы Денис Теннің жетістігін қайталады

22.02.2025

374

Бөлісу
Қазақстандық мәнерлеп сырғанаушы Михаил Шайдоров Сеулде өткен Төрт құрлық чемпионатында тарихи жеңіске жетіп, Денис Теннің жетістігін қайталады. Ол қос бағдарлама қорытындысы бойынша 285.10 ұпай жинап, өз мансабындағы ең жоғары нәтижеге қол жеткізді, деп хабарлайды ozgeris.info сайты. Жалпы рейтинг: Михаил Шайдоров – 285.10 ұпай; Ча Джун Хван (Қысқы Азия ойындарының чемпионы) – 265.02 ұпай; Джимми Ма – 245.01 ұпай.
"Бұл жеңіс Қазақстан мәнерлеп сырғанауы үшін тарихи оқиға. Дәл осыдан 10 жыл бұрын дәл осы Сеулде Денис Тен Төрт құрлық чемпионатында топ жарып, қазақ спортында ерекше белес орнатқан еді. Енді Михаил Шайдоров оның жетістігін қайталап, еліміздің мәнерлеп сырғанаудағы даңқты дәстүрін жалғастырып отыр”, – делінген хабарламада.
20 жастағы спортшы бұл жеңіске ерекше сенімділікпен жетті. Ол негізгі бағдарламасында қазіргі мәнерлеп сырғанауда сирек кездесетін аса күрделі үш аксель + төрт сальхов секірісін орындады. Бұл элемент қазіргі таңда басқа спортшылардың бағдарламасында жоқ. Шайдоров жақында Харбинде өткен Қысқы Азия ойындарында қола жүлде жеңіп алып, енді Сеулде Азиаданың чемпионы Ча Джун Хван мен АҚШ өкілі Джимми Маны басып озды.
Барлық жаңалық