Тоқаев Қауіпсіздік кеңесінде көлік саласындағы мәселелерге тоқталды

Қауіпсіздік кеңесінің отырысында Мемлекет басшысы көлік жүйесіндегі ахуалды сынға алды. Президенттің айтуынша, саладағы жүйелі түйткілдер мен жоспарлардың толық орындалмауы жаңғырту жұмыстарына кедергі келтіріп отыр, деп хабарлайды ozgeris.info. Тоқаев шекарадағы жүк тасымалын өткізуге байланысты қиындықтарды, өткізу бекеттерінің сын көтермейтін жағдайын және транзиттік инфрақұрылым жобаларының кестеден кешігіп жатқанын тілге тиек етті. Сондай-ақ, Мемлекет басшысы Көлік министрі Марат Қарабаевқа сөгіс жариялағанын мәлімдеді.