Тоқаев Ерболат Досаевты қабылдады

Қазақстан Президенті Қасым-Жомарт Тоқаев Алматы қаласының әкімі Ерболат Досаевты қабылдап, оған бірқатар тапсырмалар берді, деп хабарлады Ақорданың баспасөз қызметі. Мемлекет басшысы Алматының 2024 жылғы қаңтар-сәуірдегі әлеуметтік-экономикалық дамуының алдын ала қорытындылары туралы баяндаманы тыңдады. Президентке есепті кезеңде Алматы экономикасының базалық салалары жоғары өсім көрсеткені туралы баяндалды. Сондай-ақ, Ерболат Досаев мегаполистің проблемалы аудандарын тұрақты сумен қамтамасыз ету бойынша қабылданып жатқан шаралар туралы хабарлады. Президентке Алматы қаласының Көлік қаңқасын қалыптастыру аясындағы жобалар пулының іске асырылу барысы туралы ақпарат берілді.