Тоқаев елді дүрліктіретін қоғам белсенділері туралы айтты

Үкіметтің кеңейтілген отырысында Президент Қасым-Жомарт Тоқаев өзін қоғам белсендісі санайтын азаматтар туралы ойын айтты, деп хабарлайды Ozgeris.info. Мемлекет басшысының айтуынша, олар әлеуметтік желіні пайдаланып, биліктің түпкі мәні дұрыс, бірақ бірдей ұнай бермейтін шешімдері туралы орынсыз дау көтеріп, елді дүрліктіреді.

Кейбір азаматтар елімізді мазақ қылуға әуестеніп барады. Мысалы, өзге елдердің өкілдері жоқ жерден «керемет жетістіктерді, табыстарды» тауып алып, оны шетелге жан-жақты насихаттап жатады. Ал біздің азаматтар, олардың ішінде шоу-бизнес өкілдері, өзін өзі «қоғам белсендісі» санайтын жастар, тіпті, депутаттар да бар, Қазақстанға неше түрлі лақап ат қоятын болды. Бұл енді мүлдем түсініксіз, ақылға сыймайтын нәрсе», - деді президент.