"Суретімізді үстелінен көріп қалған": Жанқош Тұраровтың әйелі өздеріне қара магия жасалғанын айтты

Танымал боксшы Жанқош Тұраровтың әйелі, блогер Клара Иса дуа жасайтын адамдардың көбейгенін айтты, деп хабарлайды ozgeris.info тілшісі. Желі жұлдызы үйінен күдік тудыратын заттарды тауып алғанын айтты.

“Қозғайтын тақырыбым өте күрделі. Жалпы, дуа, сиқыр, қара магия дегенге сенесіңдер ме?! Соңғы кезде түрлі күдік туғызатын заттарды тауып алып жатырмыз. Суреттерімізді сол іспен айналысатын адамның үстелінен көріп қалдық деген адамдар бар. Ешкімгі білдірмей фотоға түсіріп те алыпты. Осы жағдай қатты ой салып отыр. Әрине, басында мән бермеуге тырыстық. Көбірек дұға жасай бастадық. Аллаға тапсырдық. Бірақ түстер кіріп, небір күдікті заттарды тауып алып жатқанымызды жоққа шығарғым келмеді. Мән бермеске болмады. Дуа мен магия дегендер көп адамның басында бар екен. Маған толассыз хат келіп жатыр”, – деп жазды блогер келіншек.