Қазақстанда 37 мыңға жуық адам өз үйлеріне оралды

Қазақстанда 37 мыңға жуық адам өз үйлеріне оралды, деп хабарлайды Төтенше жағдайлар министрлігінің (ТЖМ) баспасөз қызметі. "36 745 адам өз үйлеріне оралды. Эвакуациялық пункттерде 6 909 адам қалып отыр. Су тасқыны басталғалы бері 119 220 адам құтқарылып, эвакуацияланды, оның ішінде 44 776 бала ", - делінген сенбі күнгі хабарламада. Ақпаратқа сәйкес, 6 148 тұрғын үйдің және 2 794 аула аумағының суы сорылып шығарылды. Жедел желі телефонына 2 241 қоңырау келіп түсті.