"Лаңкестік шабуыл": Росавиация Ақтауда құлаған ұшаққа қатысты пікір білдірді (ВИДЕО)

“Росавиация” басшысы Дмитрий Ядров апатқа ұшыраған Embraer ұшағының командиріне басқа әуежайлар ұсынылғанын, бірақ ол Ақтау әуежайын таңдағанын мәлімдеді, деп хабарлайды ozgeris.info тілшісі. “Росавиация” басшысы Дмитрий Ядровтың айтуынша, Украинадағы лаңкестік әрекеттерге байланысты енгізілген "Ковер" жоспарының салдарынан ұшақ Грозныйға қона алмады.

"Ол кезде Украинаның жауынгерлік ұшқышсыз ұшақтары Грозный және Владикавказ қалаларындағы азаматтық инфрақұрылымға лаңкестік шабуыл жасады", – деді Ядров.

Сонымен қатар апат болған сағаттарда қала маңында қалың тұман болды, дейді Ядров. "Ковер" жоспары – әуе кемелерінің дереу қонуы немесе олардың ұшу аймағынан кетуін көздейтін жабық аспан режимі.