Жол құрылысындағы бұзушылықтар 754 миллион теңгеге жетті - Алматы прокуратурасы

Алматы прокуратурасы Бас прокуратурамен бірлесіп, қалалық жоспарлау және урбанистика басқармасының автомобиль жолдарын салу, қайта жаңарту, жөндеу және күтіп ұстау кезінде мемлекеттік сатып алулар мен жол қозғалысы туралы заңнаманың сақталуына қатысты жұмысын тексерді, деп хабарлайды қадағалау органының сайты. Тексеру нәтижелері бойынша құрылыс және күрделі жөндеу кезінде пайдаланылатын автомобиль жолдарын орташа жөндеуде сметалық норманы және бағалауды негізсіз қолдану анықталды. Бұдан басқа, жеткізушілер асфальтты үнемдеді, бұл жол төсемінің тығыздығына әсер етті.

"Анықталған заң бұзушылықтарды жою мақсатында Алматы қалалық ұтқырлық басқармасына қадағалау актісі енгізілді, оны орындау үшін жеткізушілерден бюджеттік қаражатты өтеу бойынша талап-арыз жұмысы қамтамасыз етілді. 2024 жылғы 4 маусымда Жоғарғы Соттың қаулысымен жеткізушілерден 754 миллион теңге өндіріп алынды ", - деп хабарлады прокуратурада.