«Жетім шығар, мені де ешкім қарсы алмаған»: Жас келінді күтіп алмаған әулет ел талқысына түсті (ВИДЕО)

Instagram әлеуметтік желісінде "біртүрлі" келін түсірген әулеттің видеосы тарады. Видеодан шаңыраққа түскен жас келіннің алдынан ешкімнің шығып күтіп алмағанын байқауға болады, - деп хабарлайды ozgeris.info тілшісі. Көліктен түскен екі жас есік алдында қаңтарылып біраз уақыт тұрады. Кейін барып үйге енеді. Мұны көрген желі қолданушылары жас келінде аяп кеткендерін жарыса жазды. "Нашар жерге түсіп жатыр ғой мына қыз", "Мына қызға қаш дегім келіп тұр", "Жүрегім ауырып кетті ғой, сырттан күтіп алса қайтеді?", "Ешкімнің келін түсіруге құлқы жоқ сияқты", "Келіннің жаманы болмайды, келген жерінен", "Тап сол жерден алып кеткім келіп тұр", "Жетім бала шығар. Мені де ешкім күтіп алмаған, қанша уақыт өтсе де ұмытпаймын", "Мен көрген ең жаман көрініс", - деп жазды олар.  Бүгінде видео жарты миллион қаралым мыңнан аса пікір жинап үлгерген. 6000-ға жуық адам өзгемен бөліскен.