"Ешкімге айтқысы келмеді": Ақжол Мейірбековтің әйелі жолдасының дерті туралы шындықты айтты

Белгілі әнші Ақжол Мейірбековтің де өмірден өткеніне қарашада бір жыл толады. Шәрипа Мейібекова жарының сырқаты туралы баяндап берді, деп хабарлайды Ozgeris.info тілшісі. Бұл туралы ол "Астарлы ақиқат" бағдарламасында айтты.

"Төртінші дәрежедегі қатерлі ісік ауруы диагнозын қойды. Аяғына ісік шықты. Сол кезде дәрігерлер ісікті жылдам алу керек деді. Үш жыл химия терапия алды. Шетелге барудан бас тартты. Дәрігерлерге сенді. Өзіміз де ойлаған жоқпыз. Кейін дәрігерлер ауруханадан шығарды, мұсылманша болсын деді. Үйде екі күн ғана жатты. Шүкір, Алла қинаған жоқ. Сырқаты туралы ешкімге айтқысы келмеді. Бір Құдайға тапсырды, шетелге де бармады. Бір апта ғана жатты. Өзін аурумын дегенде жоқ, соңына дейін концерттеріне өз аяғымен барды", - деді жұбайы.

Шәрипа Мейірбекова өзінің өзге ұлттың қызы екенін, ата-анасы Ақжол Мейірбековқа тұрмысқа шығуына қарсы болғанын да жасырмай айтты.