Белгілі балуан Бейбіт Ыстыбаев жаңа қызметке тағайындалды

Белгілі балуан Бейбіт Ыстыбаев жаңа қызметке тағайындалды. Ыстыбаев Жамбыл облысы әкімдігінің дене шынықтыру және спорт басқарма басшысының бұйрығымен "Жамбыл облысы әкімдігінің дене шынықтыру және спорт басқармасы "Жоғарғы спорт шеберлігі мектебі" коммуналдық мемлекеттік қазыналық кәсіпорыны директоры болып Бейбіт Абдрахманұлы Ыстыбаев тағайындалды. Бұған дейін де Бейбіт спорт клубына басшылық жасаған еді. Айта кетейік, Бейбіт Ыстыбаев қазақ күресінен "Қазақстан барысы" турнирінің 2012, 2015, 2016 жылдардағы жеңімпазы. Сондай-ақ, 2011 жылы аталған турнирдің финалына дейін жеткен болатын. Сондай-ақ, командалық сында "Еуразия барысы" турнирінің жеңімпазы атанған.