Батыс Қазақстанға ұшқышсыз ұшатын аппарат құлады

Батыс Қазақстан облысында ұшқышсыз ұшатын аппаратқа ұқсас заттың табылуына байланысты тексеру жұмыстары жүргізіліп жатыр, деп хабарлайды ozgeris.info сайты. БҚО полиция департаментінің баспасөз қызметінен мәлім еткеніндей, зат Тасқала ауданында елді мекеннен қашық аумақта құлаған.

"Зат тұтас күйінде табылған, ақауы байқалмайды. Қазіргі кезде оқиғаның мән-жайы анықталу үстінде", — деп хабарлады ведомстводан.

Тұрғындардың сөзіне қарағанда, аталмыш зат Қазақстан ауылдық округі Атамекен ауылынан 18 шақырым жерде 18 наурыз күні табылған. Оның ұзындығы 3 метр шамасында. Бұдан дәл бір ай бұрын осындай зат Бөкей ордасы ауданы аумағына құлаған еді.