"Асыққан": Қостанай облысында көлік апатынан қаза тапқан мұғалімдердің қайда жол тартқаны белгілі болды

Қостанай облысында көлік апатынан көз жұмған мұғалімдер туған-туыстарын көруге асыққан, деп хабарлайды ozgeris.info. 16 желтоқсанда Қостанай – Әулиекөл – Сұрған тасжолында жантүршігерлік жол апатынан үш адам қаза тапқан еді, оның екеуі педагог болып шықты, деп жазады Azattyq Rýhy.

«Мұғалімдер мейрам күні ағайын-туғанымен көрісуге жол тартқан», - деді Қостанай облысы білім басқармасынан.

Еске салайық, Қарасу ауданы Герцен ауылынан 10 шақырым жерде Volvo мен Toyota Alphard көліктері соқтығысқан. Апаттан үш жолаушы қаза тауып, тағы үшеуі Әулиекөл аудандық ауруханасына жатқызылды.