Ақшаны тиімді басқарудың және үнемдеудің 7 жолы

Қазір адамдар ақшаны су сияқты жұмсап жатыр. Туырлық болған теңгенің тағдыры теңселіп тұрғанда, бар қаржыны үнемдеудің өзі қиямет. Дегенмен Dauletten ватсап арнасы ақшаны тиімді басқарудың 7 тәсілін ұсынды, - деп хабарлайды ozgeris.info.

1. Ай сайынғы бюджет жасаңыз

Табыс пен шығынды нақты жазып отырыңыз. Қайда қанша кетіп жатқанын бақылау – қаржылық тәртіптің негізі.

2. «Алдымен өзіңе төле» қағидасын ұстаныңыз

Табыс түскен бойда 10-20% бөлігін бірден жинаққа аударыңыз. Бұл ақша кейін керек кезде қолда болады.

3. Мақсат қойып жинаңыз

Жәй ғана үнемдеу емес, нақты мақсатпен (үй, көлік, демалыс, оқу) жинақтау – мотивацияны арттырады

4. Артық шығындарды қысқартыңыз

Күнделікті кофе, керек емес жазылымдар, онлайн тапсырыстар сияқты ұсақ шығындар жинала келе үлкен сомаларға айналады.

5. Қолма-қол ақшаны жиі қолданыңыз

Картадан жұмсау оңай, ал қолма-қол ақша жұмсағанда адам ойланады. Бұл – артық шығыннан сақтайтын тәсіл.

6. Жеңілдіктер мен акцияларды ақылмен пайдаланыңыз

Тек керек затты алуға тырысыңыз. "50% жеңілдік" – сізге 100% қажет емес зат болуы мүмкін.

7. Қаржылық сауаттылығыңызды арттырыңыз

Кітап оқыңыз, подкаст тыңдаңыз, курстарға қатысыңыз. Ақшаны дұрыс басқару – үйренуге болатын дағды. Ақшаңызды басқарыңыз, ол сізді басқармасын!