Алматыда жолақысын төлемейтін жолаушылар саны күрт өскен

Кестелердегі ауытқулар, лық толы және жылымайтын автобустар алматылықтар үшін күнделікті шынайылыққа айналды. Мұның басты себебі — билетсіз жүретін жолаушылар санының күрт өсуі. 2024 жылдың  тек бір айынның өзінде «қояндардың» саны 60%-ға артқан. Бұл мәселе қоғамдық көліктердің сапасына кері әсерін тигізуде, деп хабарлайды ozgeris.info. Жаңа адамдар қозғалысының «Зайцам – НЕТ!» азаматтық науқаны әрбір жолаушының қоғамдық көлікте жолақы төлеуін бақылайды. Өйткені бұл тек шынайы болу мәселесі ғана емес, сонымен бірге қаланың көлік жүйесінің дамуы мен жайлылығына қосқан маңызды үлес. Жолақыдан түскен қаражат қоғамдық көліктерді жөндеуге, автобус салонындағы тазалықты қамтамасыз етуге, сондай-ақ жолаушыларға қызмет көрсету сапасын арттыруға жұмсалады. Бұл қаражатсыз автобустар қолайсыз күйде қалып, инфрақұрылым одан әрі құлдырайды. Көпшілігімізге дүкенде тауар үшін төлемей, оны алу туралы ой кіріп те шықпайды. Бірақ неге екені белгісіз, бұл ереже қоғамдық көлікте жиі ұмытылады. Жүйелі рейдтер кезінде билетсіз жүрген жолаушылардан сан түрлі сылтауларды естідік: «Мен енді ғана отырдым», «Төлем жасауды ұмытып кеттім», «Телефонның қуаты жоқ». Кейбір «қояндар» көліктің  төмен жағдайына сілтеп, әдейі төлеуден бас тартады. Бір қызығы, мұндай жолаушылардың санасына осы екі әрекет арасындағы себеп-салдар байланысы мүлдем кіріп шықпайды. «Біз «Қояндарға – ЖОҚ!» деп, Алматы тұрғындарын жауапкершілік танытып, жолақыны адал төлеуге шақырамыз. Қаланың көлік жүйесінің жағдайы — тұрғындар оның дамуына қалай қаржы құйса, дәл солай болады. Төлеген адам ғана талап етуге құқылы! Әр төленген билет — таза, жайлы және заманауи автобустарды құруға жасалған қадам. Егер біреу төлеудің қажеті жоқ деп ойласа, әрдайым балама жол бар: жаяу жүру және ойлану», дейді белсенділер.