Алматыда бір көшені төрт жыл бойы жөндей алмауда – тұрғындар әкімдікке наразы

Түрксіб ауданындағы Свободная көшесінде 4 жылдан бері жөндеу жұмыстары жүріп жатыр. Қазіргі уақытта көшеге кіру жолы жабылған. Көше тұрғындарына жедел жәрдем қызметкерлері де, полиция қызметкерлері де жете алмай жатыр.

«Алғаш рет 2021 жылдың 21 мамырында «Альвис» ЖШС қазды. Сол жылы металлдан жасалған бір су құбыр салынды. 2022 жылы қайтадан қазылып, кәріз жүйесі жүргізілді. 2023 жылы көктемде тағы қазылып, пластиктен екінші су құбыры қойылды, сол жылдың күзінде қайтадан қазылып, арық төселді. Люктер барлық жерде ашық, асты жермен бітеліп қалған. 2024 жылдың басында суды металл құбырға қосты, ал мамырда олар қайтадан бәрін қазып, суды пластик құбырға қосу үшін жаңа сақиналар орнатуды бастады. «Нижняя Пятилеткада» 2021 жылға дейін мінсіз асфальт болған, ал содан кейін төрт жыл бойы жол жоқ!» , – дейді тұрғындар centrealmedianews.kz басылымына берген хабарламасында.

Олардың айтуынша, жазда 15-20 см шаң қабаты болады, көктем мен күзде лай тізеге дейін жетеді, Свободная көшесінде көлік жүрмейді. Жалғыз автобус Бартольда көшесінің бойымен жүреді, бірақ күзде екі автобус балшыққа батып, оларды тракторлар шығарған соң, бұл жалғыз автобус та жүрісін тоқтатып, бағытын өзгерткен. Жолдан балалардың да, қарттардың да, жастардың да өтуі мүмкін емес. Қыста барлық кірлер терең траншеяларға қатып қалады. «Пятилеткамен» көліктер жүре алмайды, таксилер мұнда барғысы келмейді, жүк көліктері кептеліп қалады. Тұрғындар әкімдік пен техникалық қадағалау мекемесі әрекетсіздік танытып жатқанын айтады. Олар толассыз шағымданып, барлық құзырлы орындарға арыздануда, тіпті блогерлер шақырып, назар аудартпақ болғанымен, әкімдік үн қатпаған көрінеді. «Пятилеткамен» көліктер жүре алмайды, таксилер мұнда барғысы келмейді, жүк көліктері кептеліп қалады.