Алматыда Армения мен Әзірбайжан арасындағы келіссөздер аяқталды

Әзірбайжан мен Арменияның Сыртқы істер министрліктері 10 және 11 мамырда Достық үйінде өткен келіссөздердің қорытындысын шығарды. Әзірбайжан СІМ хабарлағандай, ведомство басшылары шекараны делимитациялаудағы ілгерілеуді және осыған байланысты қол жеткізілген келісімдерді құптады. Тараптар әлі де келіспеушіліктер бар қалған ашық мәселелер бойынша келіссөздерді жалғастыруға келісті. Әзербайжанның СІМ басшысы Джейхун Байрамов пен Арменияның СІМ басшысы Арарат Мирзоян келіссөздер жүргізгені үшін Қазақстан тарапына алғыстарын білдірді.