Актриса Лидия Кәденова жаңа атағын жақындарымен атап өтті (ВИДЕО)

Қазақстандық танымал актриса Лидия Кәденова "Халық әртісі" атағын иеленіп, бұл мәртебелі қуанышын жақындарымен және жұлдызды әріптестерімен дүркіретіп атап өтті, деп хабарлайды ozgeris.info. Кеш Алматы қаласындағы қымбат мейрамханалардың бірінде өтті. Актриса той төріне ұлы Дидар Кәден, келіні және қос немересімен бірге шықты. Шара тізгіні белгілі асаба Ерқанат Ермахан мен актер Нұржан Әбубәкірде болды. Атақты актрисаның қуанышына Қазақстанның еңбек сіңірген қайраткері Асанәлі Әшімов, әнші Роза Рымбаева, актер Досхан Жолжақсынов, әнші Жұбаныш Жексенұлы, "МузАРТ" тобы, Әли Оқапов, Мұхтар Ханзада және басқа да жұлдызды қонақтар келді. Олар кеш қонақтарына өз өнерлерін көрсетіп, мерекелік көңіл-күй сыйлады. Лидия Кәденованың ұлы Дидар Кәден келіншегімен бірге анасына қажылыққа жолдама тарту еткен. "Бұл атақ мен үшін үлкен құрмет. Баршаңызға алғысымды білдіремін",- деді актриса кеш барысында. Мерекелік шарада Лидия Кәденоваға арналған әндер орындалып, жылы лебіздер айтылды. [embed]https://youtu.be/AiZW-EOkF_8[/embed] Ақпарат nur.kz сайтынан алынған.