"Air Astana" шығыны 5млрд теңгеден асты

Компанияның қысқартылған аралық аудиттелмеген қаржылық есептілігіне сәйкес «Air Astana» шығыны 2024 жылдың І тоқсанының қорытындысы бойынша 5,2 млрд теңгені құрады. Өткен жылдың сәйкес кезеңінде пайда 423,1 млн теңгені құрады. Осы жылдың І тоқсанында түсім және өзге де кірістер 119,2 млрд теңгені құрады (бір жыл бұрын 108,8 млрд теңге). Операциялық шығыстар 120,2 млрд теңгеге жетті (бір жыл бұрын 102,9 млрд теңге). Операциялық шығын 1 млрд теңгеге тең. Бір жыл бұрын операциялық пайда 5,9 млрд теңгені құрады. Қаржылық кірістер 2,3 млрд теңгеге (бір жыл бұрын 1,3 млрд теңге) жетті, ал қаржылық шығыстар 6,1 млрд теңгеге (бір жыл бұрын 5,5 млрд теңге) тең болды. Таза бағам айырмашылығынан шығын 1,7 млрд теңге (бір жыл бұрын 1,2 млрд теңге) деңгейінде қалыптасты. Активтер 673,1 млрд теңгеге тең (бір жыл бұрын 619,3 млрд теңге). Оның ішінде ұзақ мерзімді активтер - 431,6 млрд теңге (бір жыл бұрын 430,1 млрд теңге). Меншікті капитал 145,7 млрд теңгеге тең (бір жыл бұрын 97 млрд теңге). Міндеттемелер 527,3 млрд теңгеге тең (бір жыл бұрын 522,3 млрд теңге). Акцияның баланстық құны - 404,574 теңге.